banerkzbig

Адамды ауыртып, айыппұл төлегенше...

(0 Votes)

Аудандық қоғамдық денсаулық сақтау басқармасында «Халық арасында жұқпалы ішек аурулары және жаппай тамақтан уланудың алдын алу» тақырыбында семинар өткізілді. Оған аудандағы мейрамхана және тамақтану орындарының иелері шақырылып, мәселені ортақ талқыға салды.

Атырау облысы бойынша қоғамдық тамақтану орындарында сальмонеллез ауруының 2 фактісі тіркелуіне байланысты, аудандық қоғамдық денсаулық сақтау басқармасының басшысы Карл Отаров тазалық талаптарының қатаң сақталып, әр қызметшінің медициналық тексерістен өткізіліп, санитарлық кітапшаларының болуы қажеттігін айтып өтті.

Аудандық қоғамдық денсаулық сақтау басқармасының құқықтық жұмыс ұйымдастыру және мониторинг бөлімінің басшысы Азамат Жандыбаев 2019 жылдың 11 сәуірінен бастап қолданысқа енгізілген халықтың санитариялық-эпидемиологиялық саламаттығы саласындағы заңнама талаптарын түсіндірді. Оның негізінде адамдардың абайсыздан жаппай ауруға шалдығуына немесе улануына әкеліп соқпаған бұзушылық болған жағдайда, жеке тұлғаларға – 30, шағын кәсіпкерлерге немесе коммерциялық емес ұйымдарға – 230, орта кәсіптік мекемелерге – 310, ірі мекемелерге – 1600 айлық есептік көрсеткіш мөлшерінде айыппұл салынатынын ескертті. Ал, бұл әрекетте адамның денсаулығына зиян келген кезде, бірақ қылмыстық жазаға әкеліп соқтыратын белгілер болмаса, жеке тұлғалар үшін – 200, коммерциялық емес ұйымдарға - 460, орта кәсіпкерлерге 620, ірі мекеме иесіне - 2000 айлық есептік көрсеткіш мөлшерінде айыппұл салыну қарастырылғанын айтты.

Карл Отаров семинарды қорытындылай отырып, ауданымызда адам улану жағдайы тіркелмегендігін, алайда алдағы уақытта мұндай жағдай орын алмас үшін барлық сақтық шараларын жүргізудің маңыздылығын жеткізді.

Б. Қазиханов.

Соңғы жаңалықтар

Жарнама

banerkzleft

Фотогалерея

Бейнебаян жаңалығы

Сауалнама

Жаңа дизайн ұнадыма?

Күнтізбе

Редакция

 
muratovaslan

Таңатар Дәрелов
- "Серпер" газетінің бас редакторы

kisimovaaru

Қанат Ғұмаров - бас редактордың орынбасары - жауапты хатшы


sharapidenovabilmazhan

Айбек Нәжімов
- 1-ші дәрежелі тілші


panaberdievserikbol

Айнагүл Шакупова
- 2 дәрежелі тілші


dauletiarzholaman

Иманкулова Айдана Қажымұханқызы
- сайтқа жауапты редактор

Aqprint

Байланыс номерi :     +7 701 666 27 49     +7(7122) 45-85-21

banerkzbig