Аудандық музейде Абай атындағы жалпы орта мектептің оқушыларына «Елін сүйген Елбасы» атты танымдық шара ұйымдастырылды.
Оған «Нұр Отан» партиясы аудандық филиал төрағасының бірінші орынбасары Өмірболат Есенғазиев, Құрманғазы ауылдық округі әкімінің орынбасары Мерей Әжігереев, ұстаздар және музей қызметкерлері қатысты.
Шараны жүргізген аталмыш білім ошағының мұғалімі Мәншүк Ғазизова Тәуелсіз Қазақстанды қалыптастырудағы Ұлт көшбасшысының рөліне тоқталып, Н.Назарбаевтың жастық шағы, саяси қызметі туралы кеңінен мағлұмат берді.
Оқушылар екі топқа бөлініп, Елбасының ғаламат еңбегін саралады. Музейде Тұңғыш Президенттің өмір, шығармашылық, еңбек және саяси жолы айшықталған көрме ұсынылды. Алдарына үлкен мақсат қойған арманшыл жастар ауданымызды көркейтуге арналған қанатқақты жобаларымен таныстырды.
А.Шакупова