Қазақ бар жерде жылқы бар екені баршамызға мәлім. Ата-бабамыздан жалғасып келе жатқан сәйгүлікке деген қамқорлық, оған деген қызығушылық, тұлпарға өшпес махаббат әлі ұрпағының қанында.

Аяғы жерден көтеріле салып қазақ атқа қонса, басқаға кеудесін бастырып намысын таптатпайды. Он екі айдың сұлтаны қасиетті Рамазан айы бітісімен, Ораза айт мейрамына орай Құрманғазы атбегілерінің ұйымдастыруымен маусым айының 5-жұлдызында сағат 17:00 де Ақкөл ауылында өтетін ТАЙ БӘЙГЕ және ҚҰНАН БӘЙГЕНІ тамашалауға шақырамыз. Келіңіздер көріңіздер, жүйріктерге тың рух беріп, қиқулап, көмбеден көтеріңкі күймен өтуіне көмектесіп, өздеріңіз рухани ләззат алып қайтыңыздар.

Жүлде қоры: ТАЙ БӘЙГЕ

Бас жүлде - қой малы

2-ші орын – 20 000 тг

3-ші орын – 10 000 тг

ҚҰНАН БӘЙГЕ

Бас жүлде – 50 000 тг

2-ші орын – 30 000 тг

3-ші орын – 15 000 тг

ТАЙ БӘЙГЕ – 6 шақырым

ҚҰНАН БӘЙГЕ – 9 шақырым

Е.Ибрагимұлы