Жастар – қоғамның қозғаушы күші. Олардан бүгінгі жаһандану заманында тың идеялар мен креативті пікірлерді күтуге әбден болады.

Ы. Алтынсарин атындағы жалпы орта мектебінде «Жастар» және «Сымбат» қыздар ұйымдарының жетекшілері Алтын Тасимова мен Гулжаухар Аташеваның ұйымдастыруымен «Жас мамандар» апталығында «Көңілі көтеріңкі ұстаздар!» тақырыбында жас және тәжірибелі педагогтармен бірлескен тренинг өткізілді. Онда мұғалімдер шығармашылық қабілеттерін көрсетіп, бір-бірімен өзара тәжірибе алмасуға мүмкіндік алды. Тренинг барысында ұстаздар тұшымды ой-пікірлерін ортаға салып, бір мезет сабақтан тыс көңілдері көтеріліп, бойлары серігіп қалды.

Сөйтіп, ұжым мүшелері бір – біріне құрметпен қарап, олардың арасында достық қарым-қатынас одан әрі бекей түсті.

Алтын Қаменова,

мектеп директорының тәрбие ісі жөніндегі орынбасары.