Құрманғазы ауылының «Тәуелсіздік» саябағында «Жасыл ел» жастар жасағы өз жұмысын жүргізуде.

Аудан бойынша осы маусымға тартылған 230 жас қызметшінің 55 белсендісі саябақты қоқыстан тазартып, өскен арам шөптерді жұлып, алаңды барынша тазалауға кірісті. Сонымен қатар өткен жылы егіліп, биыл өспей қалған теректердің орнына жаңадан ағаш отырғызылды. Белсенділердің жұмысын қадағалап, оларға қолқабыс жасап жүрген жастар ресурстык орталағының инспекторы Дархан Мұратқызы «Жасыл ел» еңбеккерлері саябақпен шектелмей, Боздақтар ескерткіші маңында, орталық алаңда және тағы да басқа ауылдың орындарында көркейту жұмысын жалғастыратындығын айтты.

Б. Қазиханов