«Достығымыз жарасқан» Осындай тақырыппен «Нұршуақ» бөбекжай балабақшасының «Еркетай» тобында тәрбиеші Үнзила Махамбетованың ұйымдастыруымен мерекелік ертеңгілік өтті.
Онда халықтар достығына, қазақ халқының қонақжайлық дәстүрлеріне ерекше мән берілді. Елімізде тату-тәтті өмір сүріп жатқан барлық этнос өкілдерінің ұлттық тағамдары, киімдері мен аспаптары, өнерлері мен салт-дәстүрлері балғындарға кеңінен түсіндірілді. Ертеңгілікте балабақша тәрбиеленушілері бірлік, татулықты ұлықтаған өлеңдерін айтып, өз өнерлерін ортаға салды.
Айдана Иманкулова,
ата-ана.