Бітімгерлік – отбасын сақтаудың бірден-бір жолы

Аудан тынысы

Отау құрғандарына бір жыл болған жас отбасы аудандық сотқа ажырасу жөнінде арыз береді.

Араларында бір қыз бала бар. Аудандық соттың заңгері Б.Менситова жас жұбайлармен жеке пікірлесіп, олардың татуласулары үшін түсінік жұмыстарын жүргізді. Бұл істің мән-жайынан бұрыннан хабардар болған прокуратура саласының ардагері, адвокат Ғ.Мүрсәлиев те өзінің ақыл-кеңесін аямады. Бітімгерлікке аудандық билер кеңесінің жұмыс тобы да араласып, жастардың отбасын сақтап қалуда өздерінің өмірлік тәжірибелерінен мысалдар келтірді. Бірлескен үгіт-насихат жұмыстарының нәтижесінде жас жұбайлар бір-бірінен кешірім сұрап, қол алысып, отбасын сақтауға уәделерін берді.

Зайр Хидуллин,

аудандық билер кеңесі жұмыс тобының мүшесі