«Адам өмірі мен денсаулығын сақтайық!»

Аудан тынысы

Осындай тақырыппен Еңбекші жалпы орта мектебі директорының тәрбие ісі жөніндегі орынбасары К.Олжабайқызының ұйымдастыруымен дүниежүзілік еңбекті қорғау күніне арналған акция өтті.

Мектеп директоры М.Шаяхметов алғашқы сөз кезегін алып, ұжым мүшелеріне еңбек қауіпсіздігі жөнінде нұсқамалық ережелерді таныстырды. «Дені саудың – жаны сау» тақырыбында медбикенің кеңесі тыңдалып, жазатайым оқиғадан зардап шеккендерге берілетін алғашқы медициналық көмек түрлерін көрсетті. Кәсіподақ ұйымының төрағасы С.Нұғыманов еңбек туралы заң аясында сұрақ-жауап түрінде байқау ұйымдастырып, белсенділік танытқандарға естелік сыйлықтар тапсырды.

Шаруашылық қызметкерлері тілсіз жаудың алдын алу мақсатында құрылғылармен қалай жұмыс жасау керектігін көрсетіп, өрт қауіпсіздігі жолдарын тәжірибе жүзінде көрсетті. Ардагер ұстаз А.Хамитова акцияның маңыздылығын сөз етті.

Ақбота Бекболатова,

Еңбекші жалпы орта мектебінің оқушысы.